Rusiya-Azərbaycan münasibətlərində yeni mərhələ açılır 
Yeni Azərbaycan Partiyası seçkiyə tam hazırdır 
Yeni Azərbaycan Partiyası seçki kampaniyasına tam hazırdır Cəmiyyət
Şəkidə növbəti ictimai dinləmə keçirildi
Məlum olduğu kimi, ombudsman Elmira Süleymanova İnsan Hüquqlarının Müdafiəsi üzrə Milli Fəaliyyət Planının təbliği və tətbiqi vəziyyətinin monitorinqi, həmçinin, seçki hüququ ilə bağlı əhalinin maarifləndirilməsi məqsədilə respublikamızın hər bir rayonunda silsilə ictimai dinləmələr keçirir. Növbəti belə tədbir Şəki şəhərində keçirilib. Şəki şəhərində keçirilən ictimai dinləmədə rayon icra hakimiyyəti və bələdiyyələrin, məhkəmələrin, daxili işlər orqanları və prokurorluğun, dairə seçki komissiyalarının, yerli qeyri-hökumət təşkilatları, KİV-lərin və icmaların nümayəndələri iştirak ediblər. Şəki Şəhər İcra Hakimiyyətinin başçısı Murad Cabbarlı MFP üzrə görülmüş işlər, həmçinin, regionların sosial-iqtisadi inkişafı ilə bağlı Dövlət Proqramına müvafiq olaraq, respublikanın hər yerində, o cümlədən, Şəkidə tədbirlərin həyata keçirildiyini, abadlıq-quruculuq işlərinin davam etdirildiyi, son dövrdə yeni parkların, o cümlədən bələdiyyə tərəfindən istirahət parkının salındığını, Olimpiya-İdman Kompleksinin, Diaqnostika Mərkəzinin, arxiv üçün inzibati və yeni televiziya binalarının istifadəyə verildiyini, şəhər və kəndlərdə məktəb binalarının, səhiyyə obyektlərinin, yeni mehmanxanaların və turizm obyektlərinin tikildiyini, yeni asfalt yollarının çəkildiyini, enerji təminatının yaxşılaşdırıldığını digər tədbirlərin həyata keçirildiyini bildirdi. Tədbirdə ombudsman Elmira Süleymanova çıxış edərək ölkəmizdə həyata keçirilən demokratik-hüquqi və sosial-iqtisadi islahatlar barəsində geniş məlumat verdi. E.Süleymanova insan hüquq və azadlıqlarının müdafiəsinin dövlətin qarşısında duran ən mühüm vəzifələrdən biri olduğunu diqqətə çatdırdı. Son vaxtlar ölkəmizdə, o cümlədən, Şəki şəhərində sel və daşqınlar nəticəsində problemlər yarandığını vurğulayan E.Süleymanova bu çətinliklərin birgə səylərlə, daxili imkanlar hesabına mütəşəkkil şəkildə aradan qaldırıldığını söylədi. Ombudsman, həmçinin, respublikamızda insan hüquqları sahəsində görülən işlər, Azərbaycanın beynəlxalq konvensiyalara qoşulması, milli qanunvericiliyin beynəlxalq normalara uyğunlaşdırılması və insan hüquqlarının daha səmərəli həyata keçirilməsinə yönəlmiş qanunların qəbul edilməsi, mükəmməl normativ-hüquqi bazanın yaradılması, ombudsmanın, o cümlədən, onun Şəki regional mərkəzinin fəaliyyəti barədə də məlumat verdi. Onun sözlərinə görə, ötən üç il ərzində xeyli iş görülüb. Ombudsman qarşıdan gələn parlament seçkisi ilə bağlı seçki hüquqlarının prioritet məsələ olduğunu, Seçki Məcəlləsinə zəruri əlavə və dəyişikliklərin edildiyini, dövlət başçısının müvafiq sərəncamlarının əhəmiyyətini və bu sənədlərin təbliğinin zəruriliyini, eyni zamanda bütün namizədlərə bərabər imkanların yaradıldığını, seçki prosesinə müdaxilənin yolverilməzliyini vurğuladı. Tədbirdə rayon məhkəməsinin sədri, prokuror köməkçisi və polis şöbəsi rəisinin müavinləri çıxış edərək, MFP-də nəzərdə tutulmuş vəzifələrin icrası istiqamətində görülmüş işlər, rayonun müvafiq dövlət orqanlarında insan hüquq və azadlıqlarının təmin olunması, vətəndaşların müraciətlərinə baxılması, onlara şəxsiyyət vəsiqələrinin verilməsi vəziyyəti, sabitliyin mövcudluğu, rayonda kriminogen durum, məhkəmə-hüquq islahatları və qətnamələrin icrası, hüquq-mühafizə orqanlarının əməkdaşlığı barədə ətraflı məlumat verdilər. Tədbirin sonunda iştirakçılara ötən dövr ərzində MFP üzrə görülmüş işlərlə bağlı respublika yekun konfranslarının toplu şəklində nəşr edilmiş materialları, Ombudsman Aparatı tərəfindən hazırlanan digər maarifləndirici vəsaitlər təqdim olundu.Müəllif: RƏFİQƏ KAMALQIZI
Azərbaycanın şanlı dövlətçilik tarixinə qızıl hərflərlə yazılan günlərdən biri də 1918-ci ildə Qafqaz İslam Ordusu tərəfindən Bakının bolşevik-daşnak işğalından azad olunmasıdır. Bu hadisələrin canlı şahidləri az olsa da, tarixi sənədlərdə Bakı qırğınları, azərbaycanlıların soyqırımı haqda geniş məlumatlar, danılmaz faktlar var. 
Çağdaş dövrünü yaşayan Azərbaycan muğam sənəti müasir dövrümüzdə tarixi ənənə üzərində inkişafdadır. Bu sənətin mahir ifaçıları milli muğamın dəyərlərini yaşatmaqla xalqın keçmişini müasir həyatla üzvü olaraq birləşdirirlər. 
"Frans Press" informasiya agentliyinin ABŞ-ın Dövlət Departamentinə əsaslanaraq, yaydığı məlumata görə, İsrailin baş naziri Binyamin Netaniyaqu və Fələstin Muxtariyyətinin prezidenti Mahmud Abbas Vaşinqtonda vasitəçilərsiz və tərcüməçilərin iştirakı olmadan danışıqlara başlamışlar.