Rusiya-Azərbaycan münasibətlərində yeni mərhələ açılır 
Yeni Azərbaycan Partiyası seçkiyə tam hazırdır 
Yeni Azərbaycan Partiyası seçki kampaniyasına tam hazırdır Müxalifət
Müsavatda yenidən ara qarışıb
Seçkiərəfəsi partiya funksionerləri "Yeni Müsavat"a köç edir
Müsavat başqanının keçmiş müavini Rauf Arifoğlunun partiyanın qərargahını tərk etməsi və bunun ardınca müsavatçıları öz yeni ofisinə dəvət etməsi təşkilat daxilində gərgin durum yaradıb.Bu məsələ təkcə Müsavatda yox, bütün radikal kəsimdə birmənalı qarşılanmayıb. Xüsusilə, R.Arifoğlunun millət vəkilləri ilə bu günlərdə yeni ofisində toplantı keçirməsi başqan tərəfdarlarını özündən çıxarıb. Bundan əsəbləşən Müsavatın mərkəzi icra aparatının rəhbəri Arif Hacıyev "Yeni Müsavat"ın baş redaktoruna qarşı kəskin ittiham və eyhamlarla çıxış edib. Sözsüz ki, o, bunu İsa Qəmbərovun icazəsi olmadan edə bilməzdi. A.Hacıyevin açıqladığı fikirlər, əməlli-başlı yeni qalmaqalla səbəb olub. Ən təəccüblüsü isə odur ki, Müsavat "Yurd" şefi ilə birləşməkdən danışır, A.Hacıyev isə R.Arifoğlunu Əli Kərimovun dostu kimi təqdim edir. Bu isə onu göstərir ki, bu "birlik" o qədər də yaxşı nəticələrlə qurtarmayacaq.
Bir də ki, nə əcəb İ.Qəmbərov heç birlik yaratmamış "Yurd" şefini qarışdırır R.Arifoğluya. Bu, nəsə bir o qədər ağlabatan söhbət deyil axı. Amma bir məsələ də var ki, bu düyünə düşmüş düşərgədə "kimin kimin əlində, kimin də cibində olması"ndan heç fələk də baş çıxara bilmir. Sözsüz ki, A.Hacıyev birbaşa başqanın göstərişi ilə bu açıqlamanı verib və əsas məqsədi də seçkiərəfəsi düşərgədəki qüvvələrin diqqətini Müsavatdan yayındırıb, AXCP (i) ilə qarşıdurmaya yönəltməkdir. Onsuz da yenidən gündəmə düşmək üçün dəridən-qabıqdan çıxan Müsavat başqanı "Yurd" şefinə "əl uzatmaqla" növbəti şousunu həyata keçirmək istəyindədir. Digər ən böyük məqsəd qarşıdakı parlament seçkilərində müxalifətin ümumi problemlərini Ə.Kərimovun üstünə "yükləmək", radikal düşərgədəki əməkdaşlıq məsələsində AXCP (i) sədrinin ziyanlı mövqe tutmasını gündəmə gətirməkdir.
Siyasi politoloqların fikrincə, Müsavat millət vəkillərinin R.Arifoğlu ilə yaxınlığı Müsavatın tamamilə parçalanmasına gətirəcək. ASDP-nin həmsədri, politoloq Zərdüşt Əlizadənin sözlərinə görə, Müsavat başqanın yanındakı müsavatçılar artıq ondan o dərəcədə beziblər ki, özlərinə yeni künc axtarırlar. Müsavatdaxili toqquşmalardan hər vəchlə çəkinməyə çalışan Müsavat başqanı, bütün diqqəti düşərgədaxili konfliktlərə yönəltmək və ardıcıl şəkildə müxalifətin hazırkı bəlalarının məsuliyyətini özünü "ana müxalifət" kimi ortaya atmaq istəyən Ə.Kərimovun üzərinə yıxmağa çalışır. Ə.Kərimovla "birləşmək" isə bir görüntüdür. Belə olmasaydı, A.Hacıyevin dili ilə "Yurd" şefini "vurmağa" göstəriş verməzdi. Müsavat başqanının "Yurd" rəhbərliyinin irəli sürdüyü şərtinə bu günə kimi cavab ala bilmədiyi üçün belə bir "priyoma" əl atması da təəccüblü deyil. Ona görə də, AXCP (i) rəhbərliyini qərəzli mövqe tutmaqda suçlayır. O deyir ki, Ə.Kərimov onlarla müttəfiqlik məsələsində elə şərtlər irəli sürüb ki, bunlar, sadəcə, yolverilməzdir.
Müəllif: RƏFİQƏ KAMALQIZI
Azərbaycanın şanlı dövlətçilik tarixinə qızıl hərflərlə yazılan günlərdən biri də 1918-ci ildə Qafqaz İslam Ordusu tərəfindən Bakının bolşevik-daşnak işğalından azad olunmasıdır. Bu hadisələrin canlı şahidləri az olsa da, tarixi sənədlərdə Bakı qırğınları, azərbaycanlıların soyqırımı haqda geniş məlumatlar, danılmaz faktlar var. 
Çağdaş dövrünü yaşayan Azərbaycan muğam sənəti müasir dövrümüzdə tarixi ənənə üzərində inkişafdadır. Bu sənətin mahir ifaçıları milli muğamın dəyərlərini yaşatmaqla xalqın keçmişini müasir həyatla üzvü olaraq birləşdirirlər. 
"Frans Press" informasiya agentliyinin ABŞ-ın Dövlət Departamentinə əsaslanaraq, yaydığı məlumata görə, İsrailin baş naziri Binyamin Netaniyaqu və Fələstin Muxtariyyətinin prezidenti Mahmud Abbas Vaşinqtonda vasitəçilərsiz və tərcüməçilərin iştirakı olmadan danışıqlara başlamışlar.