• 
• 
• 
• AZE
• RUS
• ENG

• Rusiya-Azərbaycan münasibətlərində yeni mərhələ açılır →
• Yeni Azərbaycan Partiyası seçkiyə tam hazırdır →
• Yeni Azərbaycan Partiyası seçki kampaniyasına tam hazırdır →

Köşə

Arif Hacıyev Əli Kərimovu nokauta salıb

Əli Kərimov:

Məni Müsavata İsa çağırdı,
Onda Arif mənə gendən baxırdı,
Sonda ağız açıb yaman bağırdı,
Lider İsa bəydi dedi, kənar dur,
Bu zaman əlini sinənə az vur,
Lider tək səsini həm eyləmə gur.

Arif Hacıyev:

Müsavatda sənə yox birinci yer,
Burda ikincisən, İsa sənə ser,
Mən dedim İsadı burada lider,
Sən onun  önündə baş əy, az qudur.

Əli Kərimov:

Məni söydün, səni danladı İsa,
Tupoy qaldın, bir az anladı İsa,
Parisdə erməni yanladı İsa,
Erməni əlindən alıb içdin cur.

Arif Hacıyev:

Burada gurlama Həkəri kimi,
Maşınımın arxa təkəri kimi,
Çağırıbdı səni nökəri kimi,
İsa qur adamı, sənsə vur, uçur.

Əli Kərimov:

Müsavat gen göldə bir ada qaldı,
İsa nə düzəltdi o, yada qaldı,
İsanın qurması arxada qaldı,
Qura bilirsənsə, sən özün keç qur.

Arif Hacıyev:

İsa bəy yanında qocaman bir dağ,
Bizimlə bağlamaz səni qızıl bağ,
Sən özün Lalədən ayrıldın nahaq,
Burda basacaqdır əzanı qotur.
Əli Kərimov:

Bunun danışmağa hələ var üzü,
Bir vaxt döşənərdi qarşımda özü,
İsanın böyründə duraram, düzü,
Sənsə məndən xeyli aşağı otur.

Arif Hacıyev:

Vaxtilə özünü yaman danladı,
İsanın önündə torpaq yaladı,
Nahaq Etibara quyruq buladı,
İndi bu özünü nə üstün tutur?

Əli Kərimov:

Yenə bir yada sal, mən o Əli ki,
Rüsvay eyləmədim səni, dəli ki,
Sənin tək Ariflər sevinməli ki,
Mənimlə birlikdə bol hava udur.

Arif Hacıyev:

Yerini bil, bir kənd aşığısan sən,
İsanın adi əl vaşaqısan sən,
Bizlərin yanında aşağısan sən,
Sənin kimisinə cavabım budur.

Əli Kərimov:

Sənə dəstək verən dostları atdın,
Özün də İsaya sığınıb yatdın,
İsa quyruğundan dördəlli tutdun,
Ələddini seçdi necə ki, Budur.
Arif Hacıyev:

Sən aqil, mən isə ağlı kəm, düzü,
Sən verdin cəbhəyə yüz sitəm, düzü,
Tutaq ki, mən qatırxislətəm, düzü,
Sənsə keçi kimi bir qotur-şatır.

Əli Kərimov:

Çox xoşuna gəlir kasa böyürü,
Tutmusan daimi masa böyürü,
Sənin yerin olsun İsa böyürü,
Mənim məskənimsə narıncı çadır.

Arif Hacıyev:

Həmişə çöhrəni boğubdu qəhər,
Dözürsən özün də buna birtəhər,
Cəbhədə daimi təamın zəhər,
İsaya boss verən qida bal dadır.

Əli Kərimov:

Mənim də mövqeyim bəlli, sirr deyil,
Bilirsən, İsa da mövla, pir deyil,
Pisliyin sifəti, sözsüz, bir deyil,
İsadı, görərsən, sənə də atır.

Arif Hacıyev:

Qorxutmaz Yasamal, Yalama məni,
Gəl indi çirkaba bulama məni,
Sənə çox demişdim dalama məni,
Sözlərim qəlbinə tikan tək batır.
Əli Kərimov:

İstər hıçqırıq at, istər çox gəyir,
Adam var, düz işi üsullu əyir,
Adam var, İsa tək zirvə istəyir,
Adam var, sənin tək həmkarı satır.

Arif Hacıyev:

Daim İsa olub quruma dayaq,
Xidmətdə durmuşuq, dayanıb oyaq,
Sənə keçi adı vermişəm bayaq,
Mən olum eşşəkdən uca bir qatır.

Əli Kərimov:

Dözürsən, İsadan gələndə xeyir,
Adam var, əlinə düşəni yeyir,
Qrant alan zaman mədhnamə deyir,
Pul qurtaran kimi uzağa qaçır.

Arif Hacıyev:

Adamam, əlbəttə, toylu-yaslıyam,
Özüm də başqandan ancaq aslıyam,
Tutaq ki, narıncı çirkli-paslıyam,
Sənin kimiləri lap "ətir" saçır.

Əli Kərimov:

Bədənin olmamış yara tənim tək,
Qərargahın yoxdu "Yurd" məskənim tək,
Sakit dayanıbdı çoxu mənim tək,
Bəzisi sənin tək qol-qanad açır.

Arif Hacıyev:

Şolların içməli suyu bəllidi,
Əlinlə qazdığın quyu bəllidi,
Bəzisi mənim tək soyu bəllidi,
Bəzisi sənin tək gönündən manşır.

Linklər