Rusiya-Azərbaycan münasibətlərində yeni mərhələ açılır 
Yeni Azərbaycan Partiyası seçkiyə tam hazırdır 
Yeni Azərbaycan Partiyası seçki kampaniyasına tam hazırdır Gündəm
Azərbaycan dünyanın turizm-kurort mərkəzinə çevrilir
Azərbaycanda turizmin inkişafı regionlarının iqtisadi inkişafının prioritet istiqamətlərindən biri kimi qəbul edilib. Beynəlxalq təşkilatların da rəyinə görə, Azərbaycanda turizmin həyata keçirilməsi üçün əlverişli imkanlar mövcuddur. Son vaxtlar Azərbaycanda hotelçilik və turizm biznesinə sərmayə qoyuluşu turizmin inkişaf tendensiyasını sürətləndirib.Respublikada turizm bazarının hüquqi əsaslarının bərqərar edilməsi, dövlət siyasətinin prinsiplərinin müəyyənləşdirilməsi sosial-iqtisadi inkişafı təmin edən vasitə kimi turizm ehtiyatlarından səmərəli istifadə üzərində köklənib. Əsası ulu öndər Heydər Əliyev tərəfindən qoyulan turizm industriyası 2001-ci ildə ilk dəfə olaraq Azərbaycanı tam genişliyi ilə təbliğ edən "Welcome to Azerbaijan" adlı xüsusi disk əsasında ÜTT-nin Baş Assambleyasına təqdim olunmaqla ölkənin turizm imkanları beynalxalq arenaya çıxarıldı. Ulu öndər Heydər Əliyevin strateji dövlət siyasətini davam etdirən Prezident İlham Əliyev Azərbaycanda turizm üçün əlverişli regionlara sərmayə qoyuluşunun artırılması və dövlət proqramalarında bu sahənin inkişafında maraqlı olduğunu ortaya qoydu. 2003-cü ildə "Azərbaycan Respublikasında sosial-iqtisadi inkişafın sürətləndirilməsi tədbirləri haqqında", 2004-cü ildə "Azərbaycan Respublikası regionlarının sosial-iqtisadi inkişafı Dövlət Proqramı" haqqında Prezident fərmanlarında ölkə iqtisadiyyatının, o cümlədən, turizm sektorunun inkişafının vacibliyi vurğulanır.
Azərbaycan dünyada iqtisadi inkişaf tempinə görə ən öncül ölkələrdən biridir. Bunu dünya görür və etiraf edir. Bu fikir Bakıda keçirilən İslam Konfransı Təşkilatının (İKT) üzvü olan ölkələrin turizm nazirlərinin V konfransında da səslənmişdir. Ümumdünya Turizm Təşkilatının Baş katibi Françesko Franjialli zəngin tarixi, maddi-mədəniyyət abidələri, qeyri-adi iqlim şəraiti, füsunkar təbiəti və əsrarəngiz flora-faunası olan Azərbaycanın beynəlxalq turizm üçün olduqca əlverişli və sərfəli bir məkan olmasını və burada dünya standartlarına cavab verən abadlıq-quruculuq işlərinin görülməsini xüsusi qeyd etmişdir. O, rəhbərlik etdiyi təşkilatın fəaliyyətindən danışaraq, bildirib ki, son beş ildə beynəlxalq turizm çox çətin və qeyri-müəyyən şəraitdə inkişaf etmişdir. Dünyada baş verən hadisələr, terror aktları, münaqişələr, epidemiyalar, təbii fəlakətlər turizm sənayesinin inkişafına ciddi maneə yaratmışdır. Buna baxmayaraq, dünyada insanların turizmə, səyahətə böyük marağı dəyişilməz olaraq qalır.
Zəngin təbiəti, əlverişli geopolitik mövqeyi, qonaqpərvər insanları ilə seçilən Azərbaycanda son illər turizmin inkişafı ilə bağlı bir sıra addımlar atılıb. Azərbaycanın turizm potensialının güclənməsi sosial-iqtisadi dirçəliş fonunda indi daha aydın duyulur. Prezident İlham Əliyev turizmi milli mədəniyyətin tərkib hissəsi kimi dəyərləndirərək bu sahədə həyata keçirilən dövlət siyasətini təkmilləşdirmək məqsədilə 2006-cı il yanvarın 30-da yeni dövlət qurumunun - Mədəniyyət və Turizm Nazirliyinin yaradılması barədə fərman imzalamışdır. Eyni zamanda, dövlət başçısının fərmanı ilə mehmanxana və mehmanxana tipli obyektlərə lisenziya verilməsi bu nazirliyə həvalə olunmuşdur. İndiyədək təsnifatdan keçmiş mehmanxana və mehmanxana tipli obyektlərin 172-si lisenziya alıb, onlardan 46-sı ulduzlu, o cümlədən, 10-u beşulduzludur, 20-si dördulduzludur. Turizm şəbəkəsində çalışan kadrlar yetişdirəcək yeni Turizm İnstitutunun bu sahənin inkişafına köməyi olacaqdır.
"2009-2018-ci illərdə Azərbaycan Respublikasında kurortların inkişafı üzrə Dövlət Proqramı" ölkəmizdə yaxın gələcəkdə turizm-kurort sahələrinin planlı surətdə inkişaf etdirilməsinə və səmərəli istifadəsinə zəmin yaradır. Ölkədə xarici turizmlə yanaşı, daxili turizmin inkişafına da diqqət yetirilir. Xüsusilə də, sosial turizmin - aztəminatlı ailələrin, əlillərin istirahət və sağlamlıqlarının bərpasına yönələn turizmə önəm verilir. Turizmin bu növlərinin genişlənməsində Mədəniyyət və Turizm Nazirliyi, Azərbaycan Həmkarlar İttifaqları Konfederasiyası, Dövlət Sosial Müdafiə Fondu və digər əlaqədar təşkilatlar dövlətimizin siyasətini uğurla həyata keçirirlər. Bakıda, Gəncədə, Naxçıvanda və ölkənin digər şəhərlərində xarici qonaqları qəbul edə bilən müasir mehmanxana və hotellərin fəaliyyət arsenalı genişləndirildi. Respublikamızın bütün regionlarını əhatə edən 100-dən artıq turizm firması xarici turistlərin qəbulu və turist xidməti ilə məşğul olur, 149 mehmanxana rəsmi qeydiyyatdan keçmişdir. Həmin hotellərdə yerlərin ümumi miqdarı 5000-dən artıqdır. Turizm üçün əlverişli regionlarda müasir səviyyəli özəl müalicə və istirahət mərkəzləri istifadəyə verilib. Respublikamıza gələn xarici qonaqların sayı 1 milyon nəfəri ötüb keçib.
Ölkədə turizmin inkişafının uzunmüddətli strategiyanın ən mühüm tərkib hissələrindən biri regionlarda mehmanxana potensialının gücləndirilməsidir. Belə ki, 2016-cı ildə mehmanxana, motel və digər bu tipli obyektlərdə yerlərin sayı mövcud 24 mindən 150 minə çatdırılması nəzərdə tutulur. Yerlərin artırılması ilə yanaşı, eyni zamanda, infrastruktur obyektləri - əyləncə mərkəzləri, idman kompleksləri, restoranlar, hovuzlar və saunaların qabaqcıl formalara uyğunlaşdırılması nəzərdən keçirilir. Paralel olaraq iri regional və lokal rekrasion zonaların inkişafı üçün nəqliyyat və mühəndis kommunikasiyalarının yaradılması, reklam lövhələrinin qurulması, habelə, müvafiq turist marşrutları üçün yardımçı infrastruktur yaradılması diqqət mərkəzindədir. Turist obyektlərinin ümumi heyətlərinin təhsili və treninqləri sisteminin təkmilləşdirilməsi də sənədin prioritet istiqamətlərindəndir.
Müəllif: E.HACIYEV
Azərbaycanın şanlı dövlətçilik tarixinə qızıl hərflərlə yazılan günlərdən biri də 1918-ci ildə Qafqaz İslam Ordusu tərəfindən Bakının bolşevik-daşnak işğalından azad olunmasıdır. Bu hadisələrin canlı şahidləri az olsa da, tarixi sənədlərdə Bakı qırğınları, azərbaycanlıların soyqırımı haqda geniş məlumatlar, danılmaz faktlar var. 
Çağdaş dövrünü yaşayan Azərbaycan muğam sənəti müasir dövrümüzdə tarixi ənənə üzərində inkişafdadır. Bu sənətin mahir ifaçıları milli muğamın dəyərlərini yaşatmaqla xalqın keçmişini müasir həyatla üzvü olaraq birləşdirirlər. 
"Frans Press" informasiya agentliyinin ABŞ-ın Dövlət Departamentinə əsaslanaraq, yaydığı məlumata görə, İsrailin baş naziri Binyamin Netaniyaqu və Fələstin Muxtariyyətinin prezidenti Mahmud Abbas Vaşinqtonda vasitəçilərsiz və tərcüməçilərin iştirakı olmadan danışıqlara başlamışlar.